कञ्चनपुरको बेलौरी नगरपालिकामा नेपाली काँग्रेसले तालाबन्दी गरेको छ । विकास निर्माणमा समन्वय नगरेको र कोरोना नियन्त्रणमा गरेको खर्च सार्वजनिक नगरेको भन्दै नगरपालिकामा तालाबन्दी गरेको हो ।

पटक पटक विकास निर्माणका काममा ध्यानाकर्षण गराउँदा समेत नगरप्रमुखले चासो नदिए पनि बाध्य भएर तालाबन्दी गरेको नेपाल काँग्रेस क्षेत्र नम्बर १ का सभापति गोपी प्रसाद उपाध्यायले बताए ।

नगरप्रमुख पोतिलाल चौधरीले यस बिषयमा समन्वय भइरहेको बताए । ‘आर्थिक बर्ष सकिए पनि उहाँहरूले तालाबन्दी गर्नुभयो हामीले समन्वय गरिरहेका छौँ’ उनले भने ।