कैलालीमा ट्रकले स्कुटरलाई ठक्कर दिदा युवतीको मृत्यु भएपछि पूर्वपश्चिम राजमार्ग अवरुद्ध पारिएको छ । बौनियामा ट्रकको ठक्करबाट युवतीको मृत्यु भएपछि स्थानीयले राजमार्ग अवरुद्ध पारेका हुन ।

प्रदेश ट्राफिक प्रहरी कार्यालय अत्तरियाले स्थानीयको अवरोधपछि गन्तव्यका लागि हिडेका सवारी साधन बौनियामै रोकिएको जनाएको छ । बौनियामा ना ६ ख ३३४० नम्बरको ट्रकले से ६ प ७१८१ नम्बरको स्कुटरलाई ठक्कर दिदा स्कुटर चालक २६ वर्षीया सन्तोषी बोहोराको मृत्यु भएको थियो ।

उनी लम्कीचुहा नगरपालिका वडा नम्बर ६ की स्थानीय हुन् । ट्रक र चालक सुर्यराज चौधरीलाई नियन्त्रणमा लिएको प्रहरीले जनाएको छ । शव घटनास्थलमै रहेको बताउँदै प्रहरीले मुचुल्का बनाएर उठाईने जनाएको छ ।