शनिबार कञ्चनपुरको भीमदत्त नगरपालिका- १३ को वडालाई सिल गरिएको छ । वडा कार्यालयले कोरोनाको जोखिमलाई मध्यनजर गर्दै शनिबार राति १२ बजेदेखि एक साताका लागि सिल गर्ने जनाएको छ।

भीनपा–१३ का अध्यक्ष लालबहादुर शाहीले अत्यावश्यक सेवाबाहेक वडामा सबै सेवा बन्द गरिएको बताए । पछिल्लो पटक वडामा ६ जनामा कोरोना संक्रमण देखिएपछि वडालाई सिल गरिएको हो ।

अध्यक्ष शाहीका अनुसार संक्रमण देखिएका सबैका घर पूर्ण रुपमा सिल गरिएको छ । यसैगरी बजार व्यवसाय बन्द गरिएको छ ।