सडक दुर्घटनामा घाइते भएकी सुदूरपश्चिम प्रदेशका प्रदेश सभा सदस्य अम्बि थापालाई काठमाडौँ लगिएको छ । उनलाई राती सेनाको स्काई ट्रक मार्फत काठमाडौं लगिएको हो । शनिबार धनगढी उप–महानगरपालिका वडा नम्बर ८ बुद्ध चोकमा मोटरसाइकल दुर्घटना हुँदा उनी घाइते भएकी हुन् । 

घाईते भएकी प्रदेश सभा सदस्य थापालाई सेती प्रादेशिक अस्पताल भर्ना गरिएको थियो । सेतीले धनगढीकै माया मेट्रो अस्पतालमा सिटी स्क्यानका लागि पठाएको थियो । उनको टाउकोमा चोट देखिएपछि थप उपचारका लागि काठमाडौँको अन्नपुर्ण न्युरो अस्पताल रेफर गरिएको हो ।

धनगढी बुद्धचोकबाट जुगेडातर्फ जाँदै गर्दा मोटरसाइकल सवार उनलाई पछाडिबाट अर्को मोटरसाइकलले ठक्कर दिएको थियो । प्रदेशसभा सदस्य थापा कांग्रेस अछाम जिल्लाको क्षेत्रनम्बर २ को क बाट प्रतिनिधित्व गर्छिन् ।