जिल्ला अस्पताल दार्चुलामा उपचारका क्रममा मृत्यु भएका व्यक्तिमा कोरोना संक्रमण नभएको पुष्टि भएको छ । दार्चुलाको व्यास गाउँपालिका –५ का २८ वर्षीय युवकको सोमबार बिहान उपचारकै क्रममा मृत्यु भएको थियो ।

श्वास फेर्न गाह्रो भएको र ज्वरो आइरहेको भन्दै उनी आइतबार अस्पतालमा भर्ना भएका थिए । उनको सोमबार राति १ बजे मृत्यु भएको थियो । ‘मृत्युपछि उनको स्वाब संकलन गरिएको थियो’ प्रमुख जिल्ला अधिकारी शरद कुमार पोख्रेलले भने ‘भर्खरै उनको रिर्पाेट नेगेटिभ आएको छ। ’

मृतक युवकको कोरोना रिर्पाेट नेगेटिभ आएपछि उनको शव परिवारलाई बुझाउने तयारी भइरहेको उनले बताए ।