बैतडीमा महिला स्वास्थ्यकर्मीलाई कुटपिट गर्ने दुई जना पक्राउ परेका छन्। कुटपिटपछि फरार रहेका जिल्लाको पुर्चौडी नगरपालिका ३ का २४ बर्षीय मोहन कुँवर र २१ बर्षीय विरेन्द्र कुँवरलाई सोमबार प्रहरीले पक्राउ गरेको हो।

पुर्चौडीको न्वादेउ स्वास्थ्यचौकी अन्र्तगतको नकाली नगरस्वास्थ्य केन्द्रमा कार्यरत २५ बर्षीया अनमी जानकी भट्ट र ३१ बर्षीया कार्यालय सहयोगी बिमला कुँवरमाथि कुटपिट गरेको आरोपमा उनीहरुलाई पक्राउ गरिएको इलाका प्रहरी कार्यालय पाटनले जनाएको छ।

घरबाटै पक्राउ गरिएका उनीहरुमाथी अनुसन्धान हुने र आवश्यक देखिए मुद्धा चलाउने प्रहरीले जनाएको छ। आइतबार स्वास्थ्यकेन्द्रमै बिरामीको उपचार गरिरहेका बेला आफूमाथि ती युवकहरुले कुटपिट गरेको भन्दै जानकीले प्रहरीमा उजुरी दिएकी थिइन्।