धनगढी उपमहानगरपालिका ३ विशालनगर स्थित अस्थायी प्रहरी पोस्टमा कार्यरत प्रहरी जवानमा कोरोना पुष्टि भएपछि पोस्ट  सिल गरिएको छ । जिल्ला प्रहरी कार्यालयका प्रवक्ता प्रहरी नायव उपरीक्षक प्रतिक विष्टले अस्थायी प्रहरी पोष्टमा कार्यरत जवानमा कोरोना देखिएपछि सिल गरिएको जानकारी दिए ।

उनले पोष्टमा कार्यरत अन्य १० जना सुरक्षाकर्मीलाई सेल्फ क्वारेन्टिनमा राखिएको र सबैको कोरोना परीक्षण गरिने बताए । यसअघि बिहीबार मात्रै जिल्ला प्रहरी कार्यालयमा कार्यरत तीन जना प्रहरीमा समेत कोरोना पुष्टि भएको थियो ।
 

Edit Ad