अख्तियार दुरुपयोग अनुसन्धान आयोग महेन्द्रनगरका सुरक्षाकर्मी सहित १२ जनाको रिर्पोट नेगेटिभ आएको छ। 

अख्तियारमा कार्यरत प्रहरी सहायक निरिक्षकमा कोरोना पुष्टि भएपछि उनको सम्पर्कमा आएका १२ जनाको परीक्षण रिर्पोट नेगेटिभ आएको सूचना अधिकारी हरिशचन्द्र जोशीले बताए।

उनले यसअघि पनि कोरोना परीक्षण गरिएका  ९ जनाको रिर्पोट नेगेटिभ आएको बताए। यसअघि बुधबार अख्तियार दुरुपयोग अनुसन्धान आयोगको कार्यालय कञ्चनपुरमा कार्यरत प्रहरी सहायक निरिक्षकमा कोरोना पुष्टि भएको थियो।