बैतडीमा खाल्डोमा डुबेर मृत्यु भएका दुई बालकको शव दुई दिन बित्दासम्म उठाइएको छैन। दशरथचन्द नगरपालिका–२, देहीमाण्डौंका १४ वर्षीय अंकित लाबड र ११ वर्षीय सन्दीप लाबडको सोमबार खाल्डोमा डुबेर मृत्यु भएको थियो । 

मृतकका आफन्तले २० लाख क्षतिपूर्ति माग राखेर शव नउठाउने अडान लिएको वडाअध्यक्ष रनबहादुर बोहराले जानकारी दिए।    मृतकका आफन्तले क्षतिपूर्ति माग गरेपछि निर्माण व्यवसायी र मृतकका आफन्तबीच छलफल हुने उनले बताए। 

वर्षातको पानी जम्मा भएको खाल्डोमा खेल्ने क्रममा डुबेर उनीहरुको मृत्यु भएको थियो। सडक निर्माणका क्रममा खनेको खाल्डोमा पानी जमेको बताइएको छ।