कैलालीमा माछा मार्ने क्रममा करेन्ट लागेर एकजनाको मृत्यु भएको छ । आज विहाने जानकी गाउँपालिका वडा नम्वर १ भुर्साका साहानु चौधरीका २१ बर्षीय छोरा प्रकाश चौधरीको मृत्यु भएको प्रहरीले जनाएको छ ।

कर्णाली नदीबाट आएको नहरमा माछा मार्ने क्रममा करेन्ट लागेर उनको मृत्यु भएको हो । करेन्ट लागेर बेहोस भएका उनलाई उपचारका लागि टीकापुर अस्पतालमा लगिएकोमा अस्पतालमै मृत्यु भएको जिल्ला प्रहरी कार्यालय कैलालीले जनाएको छ ।

सोधपुछका लागि मृतकसंगै माछा मार्न गएका स्थानीय २५ बर्षीय हरी चौधरी, २० बर्षीय निराजन चौधरी, २५ बर्षीय देव चौधरी र २२ बर्षीय दिपेश चौधरीलाई नियन्त्रणमा लिईएको जिल्ला प्रहरी कार्यालय कैलालीका प्रहरी नायव उपरिक्षक दक्षकुमार बस्नेतले बताए।