धनगढीको एकै बैँकका तीन जना कर्मचारीमा कोरोना संक्रमण पुष्टि भएको छ । धनगढीको एक बैंकका तीन जना कर्मचारीमा बुधबार कोरोना पुष्टि भएको हो ।  

बुधबार धनगढी प्रयोगशालामा कोरोना पुष्टि भएको १५ जना मध्ये तीन जना एक बैंकका कर्मचारी रहेको धनगढी उप–महानगरपालिकाको स्वास्थ्य शाखाका जनस्वास्थ्य निरिक्षक लक्ष्मीराज उपाध्यायले बताए ।

यस्तै रिलायन्स इन्सोरेन्सका एक जना कर्मचारीमा पनि कोरोना पुष्टि भएको छ । यसअघि धनगढीको ग्लोबल आईएमई बैँक र सानिमा बैँकका कर्मचारीमा कोरोना पुष्टि भएको थियो ।

यो सँगै धनगढीमा ट्राभल हिस्ट्री नभएका संक्रमितको संख्या ४९ पुगेको छ । यस्तै मंगलबार थपिएका मध्ये एक जना अझै सम्पर्कमा आएका छैनन् ।
 

Edit Ad