लियोनेल मेस्सीका वकिलहरूले जस्तो तर्क दिएको भए पनि ला लिगाले बार्सिलोनासँग उनको सम्झौता कायमै रहेको अर्थात् उनी सित्तैमा क्लब छोड्न नपाउने अड्डी लिएको छ । 

कुनै क्लबले उनलाई लिन चाहेमा ८३३ मिलियन डलर बराबरको रिलीज क्लजको पैसा तिर्नुपर्ने हुन्छ ।  

मेस्सीले सन् २०१७ मा क्लबसँगको सम्झौतामा हस्ताक्षर गरेका थिए । सम्झौतामा भएको एक प्रावधानले उनलाई जुन १० सम्ममा क्लब छोड्ने आधिकारिक अनुरोध पठाएको खण्डमा सित्तैमा जान पाउने अनुमति दिन्छ । 

त्यो मिति गुज्रिसकेको भए पनि स्पेनको फूटबल सीजन सकिएको जनाउनका लागि उक्त मिति तोकिएको र कोभिड–१९ का कारण सीजन नै ढिलो सकिएकाले उक्त मितिको औचित्य नरहेको मेस्सीको कानूनी सल्लाहकार टोलीको जिकिर छ ।