कैलालीमा धारिलो हतियारले युवकको हत्यागरी फरार भएका एक जना पक्राउ परेका छन ।कैलारी गाउँपालिका –५ का ४८ वषीर्य पुरणप्रसाद कुमाल लाई कैलाली प्रहरीले सोमवार प्रक्राउ गरेको हो ।

जिल्ला प्रहरी कार्यालयका प्रवक्ता प्रहरी नायब उपरीक्षक प्रतिक विष्टका अनुसार २०६१ सालको कार्तिक ७ गते सोही ठाउँकै २३ वर्षीय रामबहादुर कुमालको हत्या गरी उनी फरार भएका थिए ।

घरमा सुतिरहेकोे बेलामा धारिलो हतियार प्रहार गरी हत्या गरे पछि कुमाललाई पुर्पक्षका लागि कारागार पठाइएको थियो । २०६१ साल माघ १० गते उनी कारागारबाट फरार भएका थिए । उनलाई २०६५ साल जेठ २० गते कैलाली जिल्ला अदालतले सर्वस्वसहित जन्मकैदको सजाय सुनाएको थियो ।

कारागारबाट फरार भएका कुमाललाई सोमबार घरबाटै पक्राउ गरी कैलाली जिल्ला अदालतमा उपस्थित गराइएको प्रवक्ता प्रहरी नायब उपरीक्षक विष्टले जानकारी दिए ।

Edit Ad