अछाममा विद्युत गृह र खानेपानीको योजना भत्काएको आरोेप लागेका सात जनालाई प्रहरीले पक्राउ गरेको छ।

अछामको पञ्चदेवल विनायक नगरपालिकामा रहेको तालागाड लघु जलविद्युत आयोजनाको कुलो र निर्माणाधीन जामुने खानेपानी योजना भत्काएको भन्दै उनीहरुलाई पक्राउ गरिएको जिल्ला प्रहरी कार्यालय अछामले जनाएको छ। 

जलविद्युत आयोजनाको कुलो र खानेपानी योजना भत्काएको भन्दै वडा नम्बर ५ का अध्यक्ष कुलबहादुर बुढा र वडा नम्बर ६ का अध्यक्ष पूर्ण रावल सहितका विरुद्ध स्थानीयले उजुरी दर्ता गरेका थिए।