नेपाल कम्युनिष्ट पार्टी (चन्द समूह) का आठ जना कार्यकर्ता पक्राउ परेका छन् । उनीहरुलाई प्रहरीले दार्चुलाबाट पक्राउ गरेको हो ।

सुदूरपश्चिम प्रहरी प्रदेश कार्यालय दिपायलका प्रमुख प्रहरी नायव महानिरीक्षक (डीआईजी) उत्तमराज सुबेदीले चन्द समूहका कार्यकर्ता पक्राउ परेको बताए । लिपुलेक जान हिँडेका ८ जनालाई दार्चुलाको लौगाड गाउपालिका–१ रामपाङबाट पक्राउ गरिएको प्रहरीले जनाएको छ । 

पक्राउ परेका आठै जनालाई दार्चुला स्थित सदरमुकाम खलंगा ल्याईदै गरेको डिआईजी सुवेदीले जानकारी दिए । पक्राउ परेको स्थान सदरमुकाम दार्चुलाबाट निकै टाढा रहेकोले भोलीसम्ममा उनीहरुलाई सदरमुकाम पुराईनेछ ।