सुदूरपश्चिम प्रदेशमा थप १६ जना कोरोना संक्रमण मुक्त भएका छन्।प्रदेशको सामाजिक विकास मन्त्रालयका स्वास्थ्य महाशाखा प्रमुख नरेन्द्र कार्कीले मंगलावर डोटीका पाँच, कैलाली र अछामका चार÷चार, कञ्चनपुरका तीन जनालाई डिस्चार्ज गरिएको जानकारी दिए।

योसंगै प्रदेशमा पाँच हजार सात सय ६७ संक्रमितले कोरोना जितेका छन्। प्रदेश स्वास्थ्य निर्देशनालय डोटीका अनुसार अहिलेसम्म सबैभन्दा धेरै संक्रमित रहेको कैलालीका एक हजार ६ सय ८७ जना निको भएर घर फर्किएका छन्। यस्तै डोटीका नौँ सय ३४, अछामका नौँ सय १२ र कञ्चनपुरका सात सय १२ जना संक्रमित निको भएर घर फर्किएको दावी स्वास्थ्य निर्देशनालयले गरेको छ।

बाजुराका चार सय ४२ जना, बझाङका तीन सय ८८, बैतडीका तीन सय २६, डडेल्धुराका तीन सय १६ र दार्चुलाका ४५ जना संक्रमित पनि डिस्चार्ज भएका छन्। स्वास्थ्य तथा जनसंख्या मन्त्रालयले सुदूरपश्चिममा संक्रमितको संख्या ६ हजार नौँ सय नाघेको छ। उनीहरु मध्ये १५ जनाको मृत्यु भईसकेको छ। 

सबैभन्दा बढि कैलालीमा दुई हजार एक सय १०, डोटीका एक हजार ५०, अछामका नौँ सय ९४, कञ्चनपुरका सात सय ७५, बाजुरका ६ सय ३०, बझाङका पाँच सय १९, बैतडीका तीन सय ८९, डडेल्धुराका तीन सय ४८ र दार्चुलाका ८७ जनामा संक्रमण पुष्टि भएको छ।

यस्तै प्रदेशमा कोरोना भाईरसका संक्रिय संक्रमितको संख्या ९ सय २६ पुगेको छ । निर्देशनालयका अनुसार कैलालीमा ४ सय ७५, डोटीमा १ सय १३, अछाममा ७४, बझाङमा ८९ र कञ्चनपुरमा ४८ जना संक्रिय संक्रमित रहेको निर्देशनालयले जनाएको छ । यस्तै बैतडीमा ७१, डडेल्धुरामा १६, बाजुरामा ९ र दार्चुलामा ३१ जना संक्रिय संक्रमित रहेको निर्देशनालयले जनाएको छ ।