विश्व महामारीको रुपमा फैलीएको कोरोना भाइरस (कोभिड(१९) को त्रास कायमै रहेको समयमै कैलालीको ग्रामिण क्षेत्रमा क्लब स्तरीय फुटबल प्रतियोगिताहरु भएका छन् ।

कोरोना त्रासको बिच कैलालीको गौरीगंगा नगरपालिका १० उदासीपुरमा असोज २ गतेदेखि धेरै दर्शकको सहभागीतामा खुल्ला फुटबल प्रतियोगिता हुँदा कैलाली प्रशासन भने बेखबर भएको छ ।

Edit Ad

ग्रामीण क्षेत्रका ३२ बटा क्लबको सहभागितामा प्रतियोगिता हुदै गर्दा भिडभाड गर्न र फुटबल प्रतियोगिता गर्नु हुदैन भनेर रोक्नुपर्नेमा वडा कार्यालयले पनि प्रतियोगिता गर्न सहयोग गरेको स्थानीय वासिन्दाले बताएका छन् ।

शनिबार सम्पन्न भएको प्रतियोगितामा वडा अध्यक्षको अध्यक्षतामा कार्यक्रम हुदै गर्दा सम्म पनि प्रशासन बेखबर देखिएको छ ।  जसले गर्दा कोरोनाको महामारी फैलिन सक्ने देखिएको छ ।