धनगढी स्थित दिनेश एफएममा कार्यरत थप एक कर्मचारीमा कोरोना संक्रमण पुष्टि भएको छ। सेती प्रादेशिक अस्पतालमा भएको परीक्षणमा २५ वर्षीय पुरुष कर्मचारीमा संक्रमण पुष्टि भएको एफएम व्यवस्थापनले जनाएको छ ।

बिहिवार एफएममै कार्यरत एक जनामा कोरोना पुष्टि भएपछि थप ११ जना कर्मचारीको कोरोना परीक्षण गर्दा एक जनामा संक्रमण पुष्टि भएको हो ।

अन्य १० जनाको रिपोर्ट भने नेगेटिभ आएको छ । यसअघि एफएममा कार्यरत ३७ वर्षीय पुरुष कर्मचारीमा कोरोना देखिएको थियो ।