इण्डियन प्रिमियर लिग (आइपिएल) प्रतियोगिता अन्तर्गत राजस्थान रोयल्सका कप्तान स्टिभ स्मिथलाई १२ लाख भारतीय रुपैयाँ जरीवाना गरिएको छ ।

गएराती सम्पन्न मुम्बई इण्डियन्सविरुद्धको खेलमा स्लो ओभर रेटमा बलिङ गराएको भन्दै आयोजक आइपिएल गभर्निंग काउन्सिलले स्मिथलाई जरिवाना गरेको हो ।

सो खेलमा राजस्थान मुम्बईसँग ५७ रनले पराजित भएको थियो ।

जारी आइपिएलमा राजस्थानको यो तेस्रो हार हो । अहिलेसम्म खेलेका ५ खेलमा राजस्थान ३ खेलमा हार बेहोरेको छ भने २ खेल जितेको छ ।

आइपिएल अन्तर्गत आज कोलकोता नाइटराइडर्स र चेन्नई सुपर किंग्सबीच खेल हुदै छ ।