कञ्चनपुरको दोधारा चँदनी झोलुंगे पुलमा तालाबन्दी गरिएको छ ।  भारतीय क्षेत्रबाट अवैध बाटो हुँदै आउने व्यक्तीहरूको संख्या दिन प्रतिदिन बढ्न थालेपछि तालाबन्दी गरिएको छ ।

सीमा नाका गड्डाचौकीबाट भित्रिने व्यक्तीहरूलाई प्रशासनले रोक लगाएपछि धेरैजसो व्यक्तीहरू लुकिछिपी भारतीय जंगलको बाटो हुँदै कञ्चनपुरको महाकाली नगरपालिका भित्रिने गरेको र त्यसपछि उनीहरूको उद्धारका लागि दोधाराचाँदनी झोलुङ्गे पुलको बाटो प्रयोग हुने गरेको छ ।

निरन्तर आवागमन बढेपछि सो क्षेत्रमा कोरोना भाईरस संक्रमणको जोखिम बढेको भन्दै भीमदत्त नगरपालिका वडा नम्बर १३ का स्थानीयले झोलुङ्गे पुलको मुल गेटमा आईतबार ताला लगाएका हुन् ।