जिल्ला प्रशासन कार्यालय कञ्चनपुरले पश्चिमी सीमा नाका गड्डाचौकीबाट पनि भारतमा अलपत्र परेकाहरुलाई भित्रत्र्याउने व्यवस्था मिलाउने निर्णय गरेको छ ।

प्रमुख जिल्ला अधिकारी नूरहरी खतिवडाको अध्यक्षतामा बसेको जिल्ला सुरक्षा समितिको बैठकले गड्डाचौकी नाकाबाट स्वास्थ्य परीक्षणको व्यवस्था गरेर फर्किने व्यवस्था मिलाउने निर्णय गरेको हो ।

विभिन्न नाकाबाट भारतबाट मानिसहरु कञ्चनपुर भित्रिन थालेपछि अब उनीहरुलाई गड्डाचौकी नाकाबाट स्वास्थ्य परीक्षण गरी व्यवस्थित रुपमा भित्र्याउने निर्णय भएको जिल्ला प्रशासन कार्यालयले जनाएको छ । जिल्लाका अन्य सीमा नाकाबाट अवैध रुपमा हुने प्रवेशमा पूर्ण रुपमा रोक लगाउने निर्णय पनि गरिएको छ  ।