मुख्यमन्त्री त्रिलोचन भट्टले धनगढी उपमहानगरपालिका–१२ जुगेडा स्थित अस्थायी प्रहरी चौकीका ईञ्चार्ज असई गोविन्द बिक र प्रहरी जवान राम बहादुर साउँदको हत्याको घट्नाका बारेमा सुदूर पश्चिम प्रदेश प्रहरी प्रमुख प्रहरी नायव महानिरिक्षक उत्तम सुवेदीसँग जानकारी लिएका छन् ।

शनिवार राति धनगढी उपमहानगरपालिका–१० जुगेडा गस्तीमा गएका बेला असई बिक र जवान साउँदको तस्करहरुले निर्ममतापूर्वक हत्या गरेको घटनाको विषयमा उनले जानकारी लिएका हुन् । घटनामा चासो व्यक्त गर्दै मुख्यमन्त्री भट्टले प्रहरीले प्राप्त गरेको उपलब्धी र घटनाका बारेमा डिआईजी सुवेदीसंग बिस्तृत जानकारी लिएको उनको निजि सचिवालयले जनाएको छ । 

डिआईजी सुवेदीले जुगेडा घटनामा प्रहरीले जारी राखेको कारबाही, अनुसन्धान र हालसम्म प्राप्त उपलब्धीका बारेमा मुख्यमन्त्री भट्टलाई जानकारी दिएका थिए ।