धनगढी उप–महानगरपालिकाका प्रमुख नृपबहादुर वडको अगुवाईमा मंगलबार त्रिनगरभन्सार नाका क्षेत्रमा सरसफाई पछि सेनीटाईज काम गरिएको छ ।

उप–महानगरपालिका सरसफाई शाखाका कर्मचारीहरु सहित नगर प्रमुख वड त्रिनगर भन्सार क्षेत्रमा पुगेका थिए । ‘सिमामा अलपत्र परेकाहरुकालाई खाना खुवाएका पेपर प्लेटहरु, पानीका बोतलहरु, चाउचाउ बिस्कुटका खोस्टाहरुले भन्सार क्षेत्र छेउछाउ फोहर बढेको थियो ।’ नगर प्रमुख वडले भने,– ‘त्यो फोहर उठाएर कोरोना भाइरस फैलिन नदिन प्रयाप्त सेनिटाईज गर्ने काम गरेका छौं ।’

धनगढी उप–महानगरपालिकाले बजारका मुख्य सडक र टोलटोलमा समेत यस अघि औषधी छर्किने काम गरेको थियो ।