नेपाली सेनाको सैन्य दर्जाको परिक्षामा २ जना पक्राउ परेका छन । जिल्ला प्रहरी कार्यालय कञ्चनपुरले नक्कली परिक्षार्थी र परिक्षामा सहभागि नभएका १ जनालाई पक्राउ गरेको जानकारी दिएको छ ।

जिल्ला प्रहरी कार्यालयका प्रवत्ता प्रहरी नायव उपरीक्षक अमरबहादुर थापा क्षेत्रीका अनुसार लोक सेवाले लिएको नेपाली सेना सैन्य दर्जाको लिखित परिक्षामा सहभागि भएका नक्कली परिक्षार्थी सुमन खण्डका र परिक्षामा सहभागि नभएका मुकेश भण्डारीलाई पक्राउ गरिएको हो । 

बझाङको दुर्गाथली गाउँपालिका वडा नम्बर ४ का २२ वर्षिय भण्डारी र निजको सट्टा परिक्षामा सहभागि भएका डोटीको सायल गाउँपालिका वडा नम्बर ६ का २२ वर्षिय खड्कालाई प्रहरीले नियन्त्रणमा लिएको उनले जानकारी दिए । 

भिमदत्त नगरपालिका वडा नम्बर ४ को कञ्चन विद्या मन्दिर परिक्षा केन्द्रबाट उनीहरुलाई पक्राउ गरिएको हो ।