नेपाल उद्योग वाणिज्य महासंघ सुदूरपश्चिम प्रदेशको अध्यक्षमा शंकर बहादुर बोगटी पुनः निर्वाचित भएका छन्  डोटीको दिपायलमा आज सम्पन्न चौथो साधारण सभाले बोगटीलाई आगामी तीन वर्षका लागि अध्यक्षमा चयन गरेको हो ।  बोगटीको अध्यक्षतामा निर्वाचित कार्य समितिको उद्योग वाणिज्य तर्फको उपाध्यक्षमा टीकापुर उद्योग वाणिज्य संघका अध्यक्ष रामबहादुर भण्डारी र एशोसियट उपाध्यक्षमा रोयल हब्स एण्ड एग्रोटेक प्रा.लि.का अनिलकुमार भुजानिया निर्वाचित भएका छन् ।

महासंघको कोषाध्यक्षमा बझाङ्ग उद्योग वाणिज्य संघका अध्यक्ष दानबहादुर सुर्मेली निर्वाचित भएका छन् ।  त्यस्तै कार्य समितिको सदस्यहरुमा कैलाली उद्योग वाणिज्य संघका महेन्द्रकुमार सिंह, डडेल्धुरा उद्योग वाणिज्य संघका लालमणी पन्त, बाजुरा उद्योग वाणिज्य संघका गोपालबहादुर कार्की, लम्की चुहा उद्योग वाणिज्य संघका पदमराज चौलागाईं र पुर्नवास उद्योग वाणिज्य संघका विरबल वि.क. निर्वाचित भएका छन् ।

कार्य समितिको वस्तुगत सदस्यमा नाटा सुदूरपश्चिमका लोकराज भट्ट र एशोसियट सदस्यमा एस एण्ड एस प्लास्टिक इण्डष्ट्रिजका शंकरबहादुर खड्का विजयी भएका छन् ।