प्रधानमन्त्री कप राष्ट्रिय महिला क्रिकेट प्रतियोगितामा आज सुदूरपश्चिमले दोस्रो खेल खेलिरहेको छ । मंगलबार भएको पहिलो खेलमा जित हात पारेको सुदूरपश्चिमले आज प्रदेश १ सँग खेलिरहेको हो । सुदूरपश्चिमले मंगलबार गण्डकी प्रदेशलाई पराजित गरेको थियो भने प्रदेश १ ले पनि मंगलबार वागमति प्रदेशलाई हराएको थियो । यो खेलमा जित हात पार्ने टोली सेमिफाईनल प्रवेश गर्नेछ । 

दाङको लमहीमा सञ्चालित प्रतियोगितामा समुह बी अन्तर्गत सुदुरपश्चिम प्रदेशले प्रदेश १ तथा बागमती प्रदेशले गण्डकी प्रदेशको सामना गरिरहेका छन् ।  यस्तै, दोस्रो खेलमा बागमती प्रदेशले गण्डकी प्रदेश विरुद्ध खेल्दैछन् । दुवै टिम प्रतियोगितामा पहिलो जितको खोजीमा रहेका छन् । यसअघि दुवै टिमले आफ्नो पहिलो खेलमा खराब सुरुवात गरेका थिए ।

समुह ’ए’ बाट विभागीय टिम एपीएफ र लुम्बिनी प्रदेश सेमिफाइनल प्रवेश गरिसकेका छन् । एपीएफ समुह विजेता तथा लुम्बिनी उपविजेता बन्दै सेमिफाइनल पुगेका हुन् ।  समुह बीको विजेताले लुम्बिनी र उपविजेताले एपीएफसँग सेमिफाइनल खेल्ने छन् । समुह ए मा एपीएफ, प्रदेश २, कर्णाली प्रदेश र लुम्बिनी प्रदेश रहेका छन् । प्रदेश २ र कर्णाली प्रदेश भने प्रतियोगिताबाट बाहिरिएका छन् । यस्तै, समुह बीमा सुदुरपश्चिम प्रदेश, बागमती प्रदेश, गण्डकी प्रदेश र प्रदेश १ रहेका छन् ।