कैलालीको त्रिनगर नाकाबाट साढे ३७ हजार नेपाली भित्रिएका छन् । जेठ दुई गतेदेखि हालसम्म साढे ३७ हजार नेपाली भित्रिएका हुन् । १३ दिनको अवधिमा ३७ हजार ६ सय ४१ ज्नाको उद्धार गरिएको जिल्ला प्रहरी कार्यालय कैलालीका प्रवक्ता प्रहरी नायव उपरिक्षक दक्षकुमार बस्नेतले जानकारी दिए । 

नेपालीहरु उद्धार त्रिनगर नाकाबाट आउने क्रम अझै जारी रहेको छ । यो संख्या अझै बढ्ने प्रवक्ता बस्नेतले बताए । शनिवार मात्रै चार हजार दुई सय ७ जना भित्रिएका छन् ।  शनिवार उद्धार गरिएका कसैको पनि परिक्षण हुन नसकेको प्रहरी नायव उपरिक्षक बस्नेतले बताए ।  

जिल्ला प्रशासन कार्यालय कैलालीका अनुसार जेठ २, ३ र ८ गते एक हजार चार सय ५० जनाको र्यापिड टेस्ट गरिएकोमा बाँकी ३६ हजार बढीको र्यापिड टेस्ट समेत भएको छैन् ।