नेकपा (प्रचण्ड–माधव समूह) निकट अनेरास्ववियूले कञ्चनपुरको महेन्द्रनगरमा मसाल जुलुस प्रदर्शन गरेको छ । प्रधानमन्त्री केपी शर्मा ओलीले गरेको प्रतिनिधि सभा विघटनको कदमलाई प्रतिगमन भन्दै आन्दोलनरत अनेरास्ववियूले सोमबार साँझ मसाल जुलुस निकालेको हो ।
महेन्द्रनगर बजारको खुलामञ्च अगाडिबाट शुरु भएको जुलुस बसपार्क चोकमा पुगेर विरोध सभामा परिणत भएको संयोजक वीरेन्द्र विष्टले जानकारी दिए । विरोध सभालाई सम्बोधन गर्दै अनेरास्ववियूका नेता सुरेन्द्र बस्नेतले संसद विघटन असंवैधानिक र प्रतिगमनकारी कदम भएको बताए ।
यो कदम फिर्ता नहुँदासम्म युवा विद्यार्थीले सडक नछाड्ने बस्नेतले बताए । कार्यक्रममा राष्ट्रिय युवा संघका केन्द्रीय सदस्य रामचन्द्र रेग्मी, अनेरास्ववियूका केन्द्रीय सदस्य गणेश ऐरीले समेत सम्बोधन गरेका थिए ।
2024/04/23, 5:43
2024/04/23, 5:41
2024/04/23, 5:38
2024/04/23, 2:11
2024/04/23, 2:09
2024/04/12, 2:42
2024/04/12, 2:20
2024/04/12, 2:07
2024/04/12, 2:02
2020/10/09, 8:46
2021/06/14, 11:11
2022/02/07, 1:52
2023/01/24, 2:52