भरुवा बन्दुकसहित ४ जना पक्राउ परेका छन् । बाजुराको बडिमालिका नगरपालिका वडा नम्वर ३ रजालीका ४ जनालाई बन्दुकसहित प्रहरीले प्रकाउ गरेको हो । जिल्ला प्रहरी कार्यालय बाजुराका अनुसार जंगली जनावरको सिकार गर्नका लागि गाउँको छानामा राखेको अबस्थामा प्रहरीले बन्दुक बरामद गरेको हो । 

पक्राउ पर्नेमा वडा नम्बर ३ रजालीका ४५ वर्षीय नन्द ल्वार, ४० वर्षीय वीरभाने ल्वार, वडा नम्बर ८ रापकका ३० वर्षीय बलबहादुर थापा र अन्दाजी ३२ वर्षीय डम्बर थापा रहेको जिल्ला प्रहरी कार्यालय बाजुराका प्रहरी निरीक्षक लोकेन्द्र सिहं ठगुन्नाले बताए । पक्राउ परेका चारै जनामाथि अनुसन्धान भइरहेको प्रहरीले जनाएको छ । 

Edit Ad