प्रधानमन्त्री कप एकदिवसीय राष्ट्रिय पुरुष क्रिकेट प्रतियोगिता अन्तर्गत अहिले सुदूरपश्चिम प्रदेश र वाग्मती प्रदेशबीच प्रतिस्पर्धा हुँदैछ । कीर्तिपुर स्थित टियु क्रिकेट मैदानमा सुदूरपश्चिम प्रदेशले टस जितेर पहिले बलिङ गर्ने निर्णय गरेको छ । 

वाग्मती प्रदेशले सुदूरपश्चिम विरुद्ध ब्याटिङ गरिरहेको छ । आजको खेलमा वाग्मती प्रदेश लगातार दोस्रो जित निकाल्ने योजनामा छ । वाग्मतीले विभागीय टोली नेपाल पुलिसलाई आइतबार सहजै पराजित गरेको थियो ।  यता, प्रतियोगिताको पहिलो खेल खेल्न लागेको सुदूरपश्चिम आजको खेलमा सहज जित निकाल्दै प्रतियोगितामा सुखद सुरुआत गर्ने योजनामा छ । 

समूह ‘बी’ मा रहेको वाग्मतीले २ अंक जोडेको छ । वाग्मती तालिकाको शीर्ष स्थानमा छ ।