कैलालीमा आईतबार थप तीन जनामा कोरोना पुष्टि भएको छ । भजनी नगरपालिका ६ थापापुरका २३ बर्षीय पुरुष, धनगढी उपमहानगरपालिका ३ का ४७ बर्षीय पुरुष र जानकी गाउँपालिका ९ का ३४ बर्षीय पुरुषमा कोरोना पुष्टि भएको स्वास्थ्य निर्देशनालयले जनाएको छ ।

भजनीका कोरोना संक्रमित पुरुष जेठ ४ गते बाँकेबाट भजनी आएको खुलेको छ । उनलाई भजनीको महोन्याल माविको क्वारेन्टाईनमा राखिएको थियो । उनीसंगै सोही क्वारेन्टाईनमा ८६ जना रहेको भजनी नगरपालिका स्वास्थय शाखा प्रमुख कृति सिंह विकले जानकारी दिईन् ।

उनीहरुहरुमध्ये १० जनाको कोरोना परिक्षणमा ९ जनाको रिर्पोट नेगेटिभ आएको छ । ती पुरुषको रिर्पोट पोजेटिभ आएको हो ।