धनगढीमा झण्डै ५ तोला सुन पाएकी एक महिलाले सम्बन्धित व्यक्तिलाई फिर्ता गरेकी छिन् । उप–महानगरपालिकाको वडा नम्बर १ की शान्ति चौधरीले पाएको पौने ५ तोला सुन फिर्ता गरेकी हुन् । ३ गते मोटरसाईकलमा अत्तरिया गईरहेका धनगढी उपमहानगरपालीका वडा नम्बर १  शान्तिनगर बस्ने प्रदिप नेपाली बोकेको गरगहना सहितको झोला हराएको थियो । झोला हराएपछि नेपालीले जिल्ला प्रहरी कार्यालय कैलालीमा निवेदन दिएका थिए ।

जिल्ला प्रहरी कार्यालय कैलालीका प्रहरी नायव उपरिक्षक प्रतिक विष्टका अनुसार उक्त झोला चौधरीले फेला पारेपछि आज नेपालीलाई फिर्ता गरिएको हो । एक तोलाको छड्के तिलहरी, तीन तोलाको हार, ५ आनाको माईली तिलहरी, २ आनाको काँटा, १२ सय नगद र एक थान मोवाईल चौधरीले फिर्ता गरेकी हुन् ।