कञ्चनपुरमा हाइसको ठक्करबाट एक जनाको मृत्यु भएको छ । जिल्लाको कृष्णपुर नगरपालिका–५ स्थित पूर्वपश्चिम राजमार्गमा सु.प.प्र. ०२००१ ख १०४५ नम्बरको हाइसले ठक्कर दिँदा कैलालीको गोदावरी नगरपालिका–३ का ५५ वर्षीय शुक्रलाल चौधरीको मृत्यु भएको हो । जिल्ला प्रहरी कार्यालय कञ्चनपुरका अनुसार चौधरी पैदल यात्री हुन् । 

कार्यालयका प्रहरी नायव उपरीक्षक अमर बहादुर थापाले चौधरीको टाउको र खुट्टामा चोट लागेको र धनगढीको निसर्ग अस्पतालमा ल्याउँदै गर्दा बाटोमै मृत्यु भएको जानकारी दिए ।