कैलालीमा थपिएका तीन जना संक्रमितको सेती प्रादेशिक अस्पतालमा उपचार भईरहेको छ । एक जनाको धनगढीमै उपचार भईरहेका वेला भजनी र टीकापुरका संक्रमितलाई पनि सेतीमा ल्याएर उपचार थालिएको हो । 

भजनी प्राथमिक स्वास्थ्य केन्द्र र टीकापुर अस्पतालको आईसोलेसनमा राखिएका दुवै जनाको उपचार भईरहेकोमा उनीहरुलाई धनगढी ल्याईएको सेती प्रादेशिक अस्पतालका सूचना अधिकारी दिलिपकुमार श्रेष्ठले बताए । दुवैलाई एम्बुलेन्सबाट धनगढी ल्याएर अस्पतालको आईसोलेसनमा भर्ना गरिएको छ ।

भजनी नगरपालिका वडा नम्वर ७ का २३ वर्षीय पुरुष र जानकी गाउँपालिका वडा नम्वर ९ का ३४ वर्षीय पुरुषमा आईतबार कोरोना संक्रमण पुष्टि भएको थियो । यो सँगै सेती अस्पतालको आईसोलेसनमा उपचाररत कोभिड–१९ का बिरामीको संख्या ९ पुगेको छ ।