धनगढीमा राजसंस्था र हिन्दु राज्यको माग राख्दै प्रदर्शन गरिने भएको छ ।  धर्म साझा, देश साझा र राजा साझा भन्ने अह्वानका साथ धनगढीमा बिहिबार प्रदर्शन हुने भएको हो । 

धनगढीको बुद्धचोकबाट सुरु हुने ¥यालीमा राष्ट्रिय झण्डाको प्रयोग गरिने र सहभागिताका लागि सबै देशभक्त नागरिकहरुलाई बुधबार धनगढीमा आयोजित पत्रकार सम्मेलनमार्फत अनुरोध गरिएको छ ।

जनदबाब र आन्दोलनबाट वर्तमान व्यवस्थाको विरोध गरी नेपालमा राजसंस्था सहितको हिन्दु अधिराज्य कायम गर्नका लागि प्रदर्शन गरिने आयोजकले जनाएको छ ।

प्रदर्शनका क्रममा कार, मोटरसाइकल र पैदल ¥याली निकालिने आयोजकका तर्फबाट ललित जोशीले जानकारी दिए ।
 

Edit Ad