रुपन्देहीको भैरहवामा जारी तेस्रो खड्गप्रसाद गौचन मेमोरियल अन्डर–१६ राष्ट्रिय क्रिकेट प्रतियोगितमा धनगढी क्रिकेट एकेडेमी विजयी भएको छ । एकेडेमीले स्टार क्रिकेट एकेडेमीलाई ७ विकेटले पराजित गरेको हो ।

भैरहवास्थित सिद्धार्थ रंगशालामा टस जितेर ब्याटिङ गरेको स्टारले निर्धारित १५ ओभरको खेलमा ७ विकेटको क्षतिमा ९६ रन बनायो । उसका लागि सागर कुँवरले ४३, नितिन छन्त्यालले २० रन बनाए ।

बलिङमा धनगढीमा रजत राना र निरज ऐरले समान २, २ विकेट लिए । जवाफी ब्याटिङ गरेको धनगढीले १४.३ ओभरमा ३ विकेट क्षतिमा ९९ रन बनायो । उसका उसको जितमा संदीप विष्टले ६४ रन बनाए ।

यस्तै, पुष्पराज उपाध्यायले १७ रन बनाए । बलिङमा स्टारका अलदीप कुँवर र राजन कुमार भुजले १, १ विकेट लिए। संदीप विष्ट म्यान अफ द म्याच भए ।
 

Edit Ad