जिल्ला प्रहरी कार्यालय कञ्चनपुरले विभिन्न स्थानमा झण्डै २ लाख बराबरको अवैध सामान बरामद गरेको छ । जिल्लाको पुनर्वास नगरपालिका वडा नम्बर ६ बाट बेवारिसे अवस्थामा १४ हजार मूल्य बराबरको ४ कट्टा चिनी, बेलौरी नगरपालिका वडा नम्बर ७ टेडियाबाट १२ हजार ५ सय मूल्य बराबरको १० कट्टा केराऊ र ५० हजार मूल्य बराबरको फ्रिज बरामद गरेको हो । 

यस्तै कृष्णपुर नगरपालिका वडा नम्बर २ मछलीपुलमा लालझाडी गाउँपालिका वडा नम्बर ४ जाईका ३५ वर्षीय  मानसिंह राना र सोही स्थान बस्ने रामदाश रानालाई अवैध सामान सहित पक्राउ गरेको छ । उनीहरूको साथबाट १४ हजार ३ सय मूल्य बराबरको ६५ किलो माछा बरामद गरि नष्ट गरिएको छ । 
प्रहरीले विभिन्न स्थानबाट अवैध रूपमा ल्याउँदै गरेको ९० हजार ८ सय मूल्य बराबरको समान पनि बरामद गरेको छ। 

Edit Ad