कैलालीमा सोमवार थपिएका १४ जना संक्रमितलाई पनि उपचारका लागि सेती प्रादेशिक अस्पताल ल्याईएर उपचार थालिएको छ ।

सोमवार संक्रमण पुष्टि भएका धनगढी उप–महानगरपालिका, गौरीगंगा नगरपालिका र बर्दगोरियाका उनीहरुलाई आईसोलेसनमा राखेर उपचार गर्न सेती प्रादेशिक अस्पताल ल्याईएको सूचना अधिकारी दिलिपकुमार श्रेष्ठले बताए ।

१४ जना संक्रमितलाई सेती प्रादेशिक अस्पताल ल्याइएपछि एक जनालाई भने आईसोलेन शैया अभाव भएको छ । यस अघि नै ९ जना संक्रमित र दुई जना शंकास्पद विरामी सहित ११ जनालाई अस्पतालको आईसोलेसनमा राखिएकोमा १४ जना थपिएपछि एक जनालाई शैया अभाव भएको हो ।

सेतीमै २३ जना संक्रमित र दुई जना शंकास्पद बिरामी भएपछि विरामीको संख्या २५ पुगेको छ भने अस्पतालसँग २४ शैयाको आईसोलेसन वार्ड मात्रै रहेको छ । यसले कोरोना संक्रमितको उपचारमा समस्या भएको छ । 
 

Edit Ad