कैलालीको प्रसिद्ध कर्णाली पुलमा आन्तरिक पर्यटकको भीडभाड भएको छ । नयाँ वर्षको दिन घुमफिर गर्न गएकाहरुद्वारा कर्णाली पुल र चिसापानी बजार भरिभराउ भएको हो।

एकै दिन करिब १५ हजारभन्दा बढी आन्तरिक पर्यटक कर्णाली पुल पुगेको अनुमान गरिएको लम्कीचुहा नगरपालिका–३ का वडा अध्यक्ष भक्त चलाउनेले बताए ।

उनले पर्यटकको भीडभाडलाई मध्यनजर गरेर सुरक्षा व्यवस्था पनि कडा पारिएको बताए । चिसापानीस्थित कर्णाली नदीमा रहेको कर्णाली पुल लम्कीचुहा नगरपालिका–३ मा पर्दछ ।