शुक्लाफाँटा राष्ट्रिय निकुञ्जमा दुर्लभ खरमुजुरको गणना सुरु गरिएको छ। निकुञ्जमा नेपालमै दोस्रो ठूलो सङ्ख्यामा खरमुजुर पाइने गरेकाले बुधबारदेखि गणना सुरु गरिएको हो।

विश्वमै अति सङ्कटापन्न मानिने खरमुजुरको सङ्ख्या र अवस्था पत्ता लगाउने उद्देश्यले राष्ट्रिय निकुञ्ज तथा वन्यजन्तु संरक्षण विभागको सहकार्यमा पङ्क्षी संरक्षण सङ्घ (बीसीएन) नेपालले ६ वर्षपछि नेपालमा खरमुजुरको गणना गर्न थालेको छ।

खरमुजुर गणनाको कार्य अगाडि बढेको निकुञ्जका सहायक संरक्षण अधिकृत रविन चौधरीले बताए।