बैतडीमा नदीमा बगेर एक जनाको मृत्यु भएको छ । चौलानी नदीमा बगेर शुक्रबार अपरान्ह ४ बजेतिर डिलाशैनी गाउँपालिका ६ का ६० वर्षीय हिरा रानाको मृत्यु भएको जिल्ला प्रहरी कार्यालयका प्रवक्ता प्रहरी निरीक्षक किसन चन्दले जानकारी दिए ।

उनका अनुसार डिलाशैनी ६ स्थित बांगाबगर नजिकै चौलानी नदीमा माछा मार्न गएका राना एक्कासी नदीमा बगेका थिए । नदीमा बगेका रानालाई स्थानीय उद्धार गरे पनि मृत्यु भइसकेको अवस्थामा फेला पारेका उनले बताए । 
 

Edit Ad