दार्चुलामा शनिबार राती थप एक जना कोरोना संक्रमितको मृत्यु भएको छ।
नौगाड गाउँपालिका वडा नम्बर ५ घर भएका ७२ वर्षीय पुरुषको अस्पताल पुर्याउने वित्तिकै मृत्यु भएको गोकुलेश्वर अस्पतालका डाक्टर नियाज अन्सारीले बताए । उनका अनुसार शनिबार राती ती पुरुषको अस्पताल पुर्याउने वित्तिकै मृत्यु भएको हो ।
मृतक पुरुषमा एन्टिजेन परीक्षण गर्दा कोरोना रिपोर्ट पोजेटिभ आएको थियो । गाउँमा पसल सञ्चालन गर्दै आएका ती पुरुषको भारतबाट फर्किएकाहरुसँग भेटघाट हुने गरेको आफन्तले बताएका छन्।
कोरोनाको लक्षण पनि देखिएकोले शरीरमा अक्सिजनको मात्रा कम भएकोले मृत्यु भएको हुनसक्ने अनुमान गरिएको छ ।
यो सँगै जिल्लामा कोरोनाका कारण मृत्यु हुनेको संख्या सात पुगेको छ ।
हालसम्म दार्चुलाका तीन जनाको जिल्ला भित्र तथा चार जना संक्रमितको उपचारको क्रममा जिल्ला बाहिर मृत्यु भएको जिल्ला स्वास्थ्य कार्यालय दार्चुलाले जनाएको छ ।
सम्बन्धित वर्गका समाचारहरू
