बैतडीको मैलौली नगरपालिका वडा नं.२ सिल गरिएको छ । शनिबार वडामा बसेको विपद व्यवस्थापन समितिको बैठकले वैशाख २५ देखि जेठ २ गते सम्म सिल गर्ने निर्णय गरेको वडा अध्यक्ष महेन्द्र बहादुर चन्दले जानकारी दिएका छन् ।

वडाको सेलि , लिफोडा टोलमा कोरोना संक्रमितहरु देखिएकाले एक टोल बाट अर्कोे टोलमा जान समेत रोक लगाएको उनले बताए ।

वडाका केही टोलमा ज्वरो, रुघा खोकी लगायतका लक्षण सहितका बिरामी बढ्न थालेपछि वडा भित्रकै टोलहरुमा आवतजावत बन्द गरिएको छ । 

शनिबार देखि जेठ २ गते सम्म अत्यावश्यक सेवा बाहेकका सम्पूर्ण सेवा समेत बन्द गरिएको र कोरोना संक्रमण नियन्त्रण तथा रोकथामका लागि यस्तो निर्णय गरिएको वडाअध्यक्ष चन्दले बताए। 

Edit Ad