पछिल्लो २४ घण्टामा कैलालीमा उपचाररत थप ८ जनाको ज्यान गएको छ । कैलालीको टीकापुर अस्पतालमा उपचारका क्रममा उनीहरुको मृत्यु भएको हो ।

मृत्यु हुनेमा टीकापुर नगरपालिका–१ का ५१ वर्षीया महिला, ७ की ६० वर्षीया महिला र ७ कै ६७ वर्षीय पुरुषको रहेकोे अस्पतालका मेसु डा. रेमकुमार राईले बताए ।

त्यस्तै जानकी गाउँपालिका–१ का ५८ वर्षका पुरुष र बर्दगोरीया गाउँपालिका–४ का ४५ वर्षका पुरुषको समेत उपचारका क्रममा ज्यान गएको छ । मृतक सबैमा कोरोनाका लक्षण देखिएको थियो ।

त्यसैगरी मृत्यु हुनेमा कैलालीको जोशीपुर गाउँपालिका–१ का ५० वर्षीय पुरुष र जोशीपुर गाउँपालिका–५ का ६० वर्षीय पुरुष र टीकापुर नगरपालिका–१ की ४५ वर्षीया महिलाको रहेको अस्पतालका मेसु डा. राईले बताए ।
 

Edit Ad