कञ्चनपुरमा ट्रयाक्टरले मोटरसाईकललाई ठक्कर दिँदा २ जनाको मृत्यु भएको छ । जिल्लाको कृष्णपुर नगरपालिका – ६ मौरिफाँटामा से.१.त ४४४१ नम्बरको ट्रयाक्टरले से.३.प ३००५ नम्बरको मोटरसाईकललाई ठक्कर दिदाँ मोटरसाईकलमा सवार सोही ठाउँका २८ वर्षिय प्रकाश रोकाया र ३० वर्षिय सुरेश जप्रेलको मृत्यु भएको अस्थायी ट्राफिक प्रहरी पोष्ट गुलरियाले जनाएको छ ।

दुर्घटनामा गम्भीर घाईते भएका उनिहरुलाई उपचारका लागी सेती प्रादेशिक अस्पताल धनगढीमा पठाईएकोमा उपचारको क्रममा दुवै जनाको मृत्यु भएको अस्थायी ट्राफिक प्रहरी पोष्ट गुलरियाका हवल्दार नविन प्रासद जोशीले बताए । उनले ट्रयाक्टर चालकको फरार रहेको र खोजी कार्य जारी रहेको जानकारी दिए ।

Edit Ad