धनगढीका एक जना कोरोना संक्रमित काठमाडौँ रेफर गरिएको छ । स्वास्थ्यमा समस्या देखिएपछि धनगढी उप–महानगरपालिका वडा नम्वर ५ का ५१ बर्षीय कोरोना संक्रमितलाई काठमाडौँ रेफर गरिएको हो ।

सेती प्रादेशिक अस्पतालमा कोरोना संक्रमित बिरामीको उपचारमा संग्लन डाक्टर निराजन दत्त शर्माले उनलाई शुक्रवार राति साढे १० बजे रेफर गरिएको बताए । मृगौलामा पनि समस्या देखिएको र निमोनियाको पनि समस्या रहेको चिकित्सकले बताएका छन् ।

सेती अस्पताल लेवल–२ को अस्पताल भएकाले थप उपचारका लागि लेवल–३ को टिचिङ अस्पताल काठमाडौंमा रेफर गरिएको शर्माले बताए । उनी सहित सुदूरपश्चिममा ५ जनामा बुधबार कोरोना पुष्टि भएको थियो । उनी भारतबाट केही दिन अगाडी आएका थिए ।