कञ्चनपुरमा मोटरसाइकल दुर्घटना हुँदा १ जनाको मृत्यु भएको छ। जिल्लाको भिमदत्त नगरपालिका वडा नम्बर १ राजिपुरका २८ वर्षीय सुनिल लामिछानेको मृत्यु भएको प्रहरीले जनाएको छ। 

सोमबार साँझ भाँसिबाट राजिपुर तर्फ गइरहेको से ५ प ५५३४ नम्बरको मोटरसाइकल राजिपुरमा आफैँ अनियन्त्रित भइ दुर्घटना भएको प्रहरीले जनाएको छ। 

गम्भीर घाइते भएका मोटरसाइकल चालक लामिछानेको माहाकाली अस्पतालमा उपचारो क्रममा मृत्यु भएको प्रहरीले जनाएको छ।