अक्सिजन अभावका कारण सुदूरपश्चिम प्रदेशमा दिन प्रतिदिन कोरोना संक्रमित विरामीको मुत्यु हुने क्रम बढेपछि अक्सिजन प्लान्ट जडानका लागि सहयोग जुट्ने क्रम जारी छ ।

सुदूरपश्चिम प्रदेशको अस्थाई राजधानीमा रहेको सेती प्रादेशिक अस्पतालले पनि अक्सिजन प्लान्टका लागि पहल थालेपछि कञ्चनपुरमा रहेको बैजनाथ इन्जिनियरिङ कलेजका सञ्चालक नन्दलाल चटौतले आर्थिक सहयोग गरेका छन् ।

चटौतले कोरोनाको महामारीबाट नागरिकको जीवन रक्षा होस भनेर सेती प्रादेशिक अस्पताललाई २५ हजार नगद सहयोग गरेका हुन् ।
चटौतले अक्सिजन  अभावका कारण कसैले पनि ज्यान जानु नपरोस भन्ने उद्देश्यले अस्पताललाई सहयोग गरेको बताए ।