![ato](/sites/default/files/styles/flexslider_full/public/2020-03/auto-109.jpg?itok=mWE7XxCw)
कैलालीमा बस र अटो ठोक्किँदा एक जनाको मृत्यु भएको छ । घटनामा चारजना घाइते भएका छन् । शनिवार गोदावरी नगरपालिकाको चौकीडाँडामा पश्चिमबाट पूर्व तर्फ गइरहेको ना ४ ख ४५२८ नम्वरको बस र विपरित दिशाबाट आइरहेको से १ ह २११४ नम्वरको अटो एकआपसमा ठोक्किँदा अटोमा सवार एक जनाको मृत्यु भएको हो भने चार जना घाइते भएका हुन् ।
![](https://khabarkunj.com/sites/default/files/2022-11/nisarg.gif)
प्रहरीका अनुसार दुर्घटनामा परी गोदावरी नगरपालिका वडा नम्वर ६ का ५३ वर्षीय तुले कोलीको मृत्यु भएको छ । गम्भीर घाइते भएका कोलीको उपचारका क्रममा सेती प्रादेशिक अस्पतालमा मृत्यु भएको जिल्ला प्रहरी कार्यालय कैलालीका प्रहरी नायव उपरीक्षक दक्षकुमार बस्नेतले बताए ।
सोही ठाउँका ५० वर्षीय नखरी कोली, २५ वर्षका अर्जुन कोली र २५ वर्षकी दुर्गा कोली घाइते भएका प्रहरी नायव उपरीक्षक बस्नेतले बताए ।
![](https://khabarkunj.com/sites/default/files/2022-11/SARATHI-HOSPITAL-FINAL_1.gif)
![](https://khabarkunj.com/sites/default/files/2022-11/maya-metro.gif)
![](https://khabarkunj.com/sites/default/files/2021-02/SANDAR-MOMO-AD.gif)
अटो चालक गोदावरी नगरपालिका वडा नम्वर १ विजयनगरका २५ वर्षिय मानवहादुर विक पनि घाइते भएका छन् । उनीहरु सबैको पदमा अस्पतालमा उपचार भइरहेको छ । बस चालक डडेल्धुराको परशुराम नगरपालिका वडा नम्वर ५ बस्ने २४ वर्षीय दिपकराज भट्टराईलाई प्रहरीले नियन्त्रणमा लिएको छ ।
![](https://khabarkunj.com/sites/default/files/2022-11/maya.gif)
![](https://khabarkunj.com/sites/default/files/2021-01/GHARAHA-CHULO_0.gif)