धनगढीः धनगढीकी वर्षा साउँदले ओटीडव्लु वल्र्ड च्याम्पियनसिपमा रजत पदक जितेकी छिन् । युरोपको माल्टामा भएको कुमुते (फाइट) अनलाइन च्याम्पियनसिपमा नेपालको प्रतिनिधित्व गर्दै बर्षाले दोस्रो स्थान पाउन सफल भएकी हुन् । ललित खत्रीले प्रशिक्षणमा खेल्दै आएकी धनगढीकी साउँदले काता अनलाइन च्याम्पियनसिपमा भने कास्य पदक जितेकी छिन् । २३ वटा देश सहभागिता रहेको प्रतियोगितामा नेपालको प्रतिनिधित्व गर्दै धनगढी कराते एकेडेमीकी खेलाडी साउदले तेस्रो स्थान अर्थात कांस्य पदक दिलाएकी हुन् । बर्षाले यस अघि पनि अनलाईन कातामा राष्ट्रिय तथा अन्तर्राष्ट्रिय पदक दिलाउन सफल भएकी थिइन् ।